يۊنان ٚ بيدۊق
یۊنان (یۊناني مئن: Ελλάδα؛ ائلادا) گه اۊن ٚ رسمي نام یۊنان ٚ جؤمۊري (یۊناني: Ελληνική Δημοκρατία؛ الينيکي ديمؤکراتيا) ايسه، ايته کيشوره گه اۊراسيا مئن ؤ اۊرۊپا خۊرتاوي نسا ؤ بالکان ٚ نسا ور نهأ. أ کيشور پۊر جزيره دأره؛ رؤدس، کؤس، سامؤس، خيؤس ؤ لسبؤس ٚ مأنستن گه أ کيشور أ جزيرهئن ٚ جه خؤره تۊريستي درآمد کسب کۊنه. یۊنان ٚ مساحت ۱۳۱,۹۹۰ کيلۊمتر مۊربع ايسه ؤ کلسيا جه آلباني، کلسيايي مقدۊنيه ؤ بۊلغارستان ؤ خۊرتاو ٚ جه تۊرکيه أمرأ سامانسر دأره. یونان ٚ أصلي سامان-أ مديترانه دریا دؤرأگۊده ؤ ؤ خۊرخۊس ٚ جه یۊنان ٚ دریا ؤ کرت ٚ دریا-یأ رسه. أ کيشور ٚ پایتخت ؤ پيله شأر آتن ؤ أن ٚ رسمي زوان یۊناني ايسه. یۊنان ٚ جمعيت ۲۰۲۰ سال ٚ مئن ۱۰,۷۱۸,۵۶۵ نفر بۊ. أ کيشور ايته جه پيرترين مردۊمان-أ دۊنیا کيشوران ٚ مئن دأره چؤن اۊن ٚ مردۊم کم زأی أرئده ؤ أورنایان ني کار ؤ تحصيل ٚ وأسي شئده باقي اۊرۊپا کیشوران.
